ZENTRUA

Misioa, ikuskera, baloreak

Bermeoko “Sagrado Corazón“ Ikastetxeko MISIOA pertsonak heztea da, errealitatearen ikuskera kristaua oinarritzat hartuta, baloreetan heziz eta ezagutzak irakatsiz; giro euskaldunean eta Bermeoko herriaren beharrizanetatik hurbil; erantzukizuna eta banan-banakoaren garapena sustatuz, baita, aldi berean, eskola elkarteko kideen arteko afektu, babesa eta adiskidetasuna ere; era guztietako ikasleei zabalik eta pertsonalizatutako heziketa baten esparruan; horrela Bizkaiko Elizbarrutiko ikastetxeen Heziketa Egitasmoa aurrera eroanik.

Etorkizunari begira, “Sagrado Corazón” ikastetxeko IKUSKERA hauxe da:

Herrian errekonozitua izatea:

  • hezkuntza-elkarteko kideen dimentsio erlijiosoa garatzeagatik.
  • ikasleen ikasketa maila hobetzeagatik.
  • familien asebetetasunagatik.
  • herrian elkarrekin bizi diren kultura ezberdinei ematen zaien harrera eta trataeragatik.
  • euskera eta euskal kultura bultzatzeagatik.
  • Bermeoko herrian integratua eta bertako ekintzetako partaidea izateagatik.
  • lan eta kide guztien prestakuntza, koordinazio eta giro onagatik.
  • ikastetxearen eta honen inguruaren ingurumen-kalitate eta iraunkortasunaren apustuagatik.
  • ikastetxeko kudeaketa bikainagatik.

Sagrado Corazón ikastetxeko bizitza hurrengo BALIOETAN oinarritzen da:

Bizitzatik eta bizitzarako heztearen konpromisoa, hezitzaileak ikaslearen prozesuetan laguntzaile eta erantzun baikorren bitarteko izanez.

  • Senidetasuna: Hurbilak, bareak, xumeak, errespetuzkoak, irekiak, alaiak, abegitsuak eta, aldi berean, sendoak eta uste osoak diren harremanak.
  • Euskalduntasuna: Euskal kultura eta hizkuntzaren estimua eta defentsa, identitatearen sustrai eta norbera eta kolektiboa balioesteko iturri dela onartuz.
  • Etengabeko prestakuntza eguneratu beharrei erantzuna emateko: hazkunde pertsonala, profesionaltasun kualifikatua, eta lana ondo egitea.
  • Transzendentziaren zentzua: Kontenplazio-dimentsioa eta barneratzeko gaitasunaren lantzea, norberaren bizitzan, besteenean, naturan eta historian dagoen Jainko eragilea aurkitzen laguntzeko.
  • Parte hartzea: egitura malguak, funtzionalak eta gizatiarrak.

Komentarioak itxita.